Samanlikning

Kan Stavangerensemblet vera Noregs svar på XTC?

Vellukka

I førti år har Roger Whittaker nesten berre gjeve ut Best of-plater. Ikkje verst.

2010?

Det verkar som det er lenger til 2010 enn det det eigentleg er, nemleg berre 250 dagar.

Kor og kvar

Tilhøvet mellom “kor” og “kvar” er interessant. I nynorsk heiter det “ta kvar si appelsin”, “kvar bur du” og “eg kjem om tre/tri kvarter”. Til vanleg plar eg å seia “ta kvar si appelsin”, “kor bur du” og “eg kjeme om tri kvarter”. Eg har eit syskenbarn som likar å seia “ta kor si abbelsin” som døme på gamal suldalsdialekt, og det høyrest unekteleg litt rart og gamaldags ut. Men i påskeferien høyrde eg endå eit tilsvarande brigde i suldalsdialekt, nemleg “eg kjeme om tri korter”.

Kva ser me av dette? Er det verkeleg slik at det opphavleg heiter “kor-” på suldalsk (suldølsk?) i nær sagt alle samanhengar der me skriv “kvar-” på nynorsk?

Redigert: Det finst døme på båe desse variantane på internett: “kor si”: Ordtøke frå Hallingdal
“eit korter”: Eit og anna frå ei englandsferd

Nesten like bra

I dag såg eg åtte kråker som sat (eller rettare sagt stod) på (eller rettare sagt ved sida av) ei madrass (eller rettare sagt ein plastpose) .

R. Hovland – O. Havrevoll: 1–0